Arrantza Sektoreko Toki Ekintzako Taldeak (ATET) onetsitako arrantza-eremuen garapen jasangarrirako, 2014-2020 aldirako Itsas eta Arrantzako Europako Funtsaren (IAEF) esparruan 2022ko maiatzaren 18ko, Ekonomiaren Garapen, Jasangarritasun eta Ingurumeneko sailburuaren, 2022ko ekitaldirako partaidetzazko toki-garapenaren estrategiaren (PTGE) babeseko proiektuetarako laguntzen oinarri arautzaileak ezartzen dituen aginduaren babesean, 161 eskabide jaso ditu Itsas Garapen Elkarteak eta horrenbestez, laguntza-eskaeren kopuruak goranzko joerari eutsi dio, 2022ko edizio honetan 2021ean aurkeztutako 143 eskaerak gaindituz.
Aurkeztutako eskabideak honela daude banatuta:
- 81 eskaera, ekoizpeneko inbertsioetarako laguntzen lerroan.
- 65 eskaera, enplegua sortzeko laguntzen lerroan.
- 14 eskaera, ekoizpenekoak ez diren inbertsioetarako laguntzen lerroan.
2022. urtean, guztira 1.500.000,00 euro erabiliko dira laguntza-programa hori finantzatzeko. Funts horietatik 1.275.000,00 euro Europako Itsas eta Arrantza Funtsari dagozkio, eta 225.000,00 euro Euskal Autonomia Erkidegoko Aurrekontu Orokorrei. Era berean, 1.000.000,00 euro 2022ko ekitaldiko ordainketa-kredituak dira, eta 500.000,00 euro 2023ko ekitaldiko konpromiso-kredituak. Zuzkidura horren guztizkoaren zenbatekoak eta urtekoen arteko banaketa honako taula honetan deskribatutako laguntza-ildoei esleitzen zaizkie:
| Laguntza-lerroa | 2022 (€) | 2023 (€) | Total (€) |
| Ekoizpeneko inbertsioetarako laguntzak | 700.000,00 | 400.000,00 | 1.100.000,00 |
| Enplegua sortzeko laguntzak | 200.000,00 | 200.000,00 | |
| Ekoizpenekoak ez diren inbertsioetarako laguntzak | 100.000,00 | 100.000,00 | 200.000,00 |
| Guztira | 1.000.000,00 | 500.000,00 | 1.500.000,00 |
Laguntza-deialdi honen ebazpena agindu hau indarrean jarri eta gehienez ere sei hilabeteko epean eman eta jakinaraziko da.