Bermeo protagonista izan da, “Navega el camino” (Sail the way) izenekoaren V. zeharkaldian. 15 eguneko belaontzien bidai ikusgarria da, Hondarribia eta Camariñas (Galizia) artean, eta Donejakue Bidea modu ezberdin eta paregabean bizitzeko aukera eskaintzen du.
Ibilaldia hilaren 14an hasi zen, eta parte hartzaileei ibilbidea amaitu arteko bederatzi etapetan (abuztuaren 29ra arte) parte hartzeko aukera ematen die. Aurtengo edizioan, Bermeo izango da erromesaldi honen etapa garrantzitsuenetako bat, bi egunez jarraian, ostirala 14 eta igandea 16 bitartean, geldialdia egingo duten euskal portu bakarra baita.
Bermeo Tuna World Capital (BTWC) eta Itsasgarapen Elkartearen lankidetzari esker, itsas hiribildua amarraleku handia bihurtzen da parte hartzen duten ontzientzat, baina gastronomia- eta kultura-jarduera ugariren eszenatoki ere bihurtzen da, funtsezko helburu batekin: Bermeoko arrantza- eta itsas tradizioa eta gastronomiaren kalitatea erakustea.
Horrela, ekitaldi ikusgarri honetan parte hartzen duten ontziak ikusteko erakusleiho pribilegiatua izateaz gain, Bizkaiko herria Kantauriko kostaldeko erreferentziazko eskalako portu gisa eta urtean zehar zeharkaldi hori egiten duten itsas erromesentzako harrera- eta etaparako leku gisa kokatzen du berriz ere.
Bermeo Tuna World Capital eta Itsasgarapen Elkarteak diseinatutako jarduera agendaren artean Bermeo Tuna Pintxo Tour, arrantzaleen kofradiak herriko neskatilen eskutik gidatutako ibilbidea eta Alde Zaharrean zehar egindako bisita geologikoa nabarmentzen dira. Gainera, ekitaldiak euskal gastronomiako harribitxietako bat, hegaluzea, balioan jartzen ere lagunduko du: Haziren eskutik, Hondarribia eta Bermeo arteko etapan parte hartzen dutenek beren sukaldaritza-trebetasunak erakusteko eta arrantzaleen tradizioaren jarduera gastronomikoa gogora ekartzeko aukera izango dute “hegaluze-sukaldaritza ontzian” lehiaketan. Lehiaketa horretan, manjar preziatu hori protagonista duen prestakuntzarik onena saritzen da.
Itsas erromesaldiko asteburu biziko jardueren amaiera zeharkaldiaren bihotzean dago: BTWC, Itsasgarapen Elkartea eta North Marinas taldeek plaza bikoitza zozkatuko dute Bermeo eta Getxo arteko etapa betetzeko, Sail the way itsasontzian, abuztuaren 16an.
Sail the way ekimenak itsas erromesaldia ezagutarazi eta bultzatzea du helburu, Donejakue Bidearen espiritua beste modu batean bizitzeko eta, aldi berean, Ipar kostaldeko edertasuna, kultura eta tradizioak ezagutzeko.
Done Jakue Bidea, itsasoz, Done Jakue katedraren onarpena dauka , eta, erromes nabigatzaileentzat, gutxienez, 100 itsas milia (200 kilometro gutxi gorabehera) eta azken etapa bat ezartzen ditu oinez, Konpostela lortzeko. Bidearen espiritua mantentzeko, parte-hartzaileek oinez egin behar dituzte Katedral konpostelanorainoko azken 10 kilometroak.
Konpostela preziatua lortzeko, erromesek kredentzialak zigilatu behar dituzte North Marinasen sarean sartuta dauden Euskadi, Kantabria, Asturias eta Galiziako portuetan. Lehorreratzean, tripulazioetako kideek Santiago katedralak emandako kredentziala ere jaso dezakete, erromes gisa ofizialki akreditatzeko.
Bermeo Tuna World Capitalek sustatutako jarduera guztiak segurtasun- eta prebentzio-neurriak kontuan hartuta diseinatu dira, covid 19aren transmisioa saihesteko.
