Eusko Jaurlaritzako Nekazaritza, Arrantza eta Elikadura Politikako Sailburuordetzak Tokiko Garapen Parte-hartzailerako 2024ko Estrategiaren babesean laguntzak emateko ebazpena argitaratu du. Laguntza horiek Itsas Garapen Elkarteak  kudeatzen ditu, Arrantzarako eta Akuikulturarako Europako Itsas Funtsaren (FEMPA) barruan daude, eta Euskadiko arrantza-eremuen garapen iraunkorra bultzatzea dute helburu.

1.809.488,89 €-ko zuzkidurarekin, laguntza horien ardatz estrategikoa arrantza-sektorea dibertsifikatzea eta ekonomia urdina sustatzea da, kostaldeko komunitateak indartzen lagunduko duten jarduera berritzaile eta jasangarriak sustatuz.

 Itsas Garapen Elkartea funtsezko eragilea da ekonomia urdinerako trantsizio honetan, itsas ingurunearen kontserbazioa negozio-aukera berriekin integratzen duten eredu ekonomikoak sustatuz. Ikuspegi horrek tokiko komunitateen diru-sarreren iturriak dibertsifikatzea ahalbidetzen du, jarduera osagarriak sustatuz eta itsas zerbitzuei lotutako enplegua sortuz.

Pertsona eta erakunde interesdunek ebazpenaren xehetasunak kontsulta ditzakete, onuradunak eta onartutako proiektuak barne, botoi honetan